मंगलबार डार्टिङ गरी नियन्त्रणमा लिइएको बाघलाई दुई दिनपछि बर्दिया राष्ट्रियको बबई उपत्यकामा छाडिएको छ । बबई उपत्यकाको घना जंगल रहेको लामिदारा भन्ने ठाउँमा छाडिएको छ ।
बर्दिया राष्ट्रिय निकुञ्जको मध्यवर्ती क्षेत्रमा पर्ने गेरुवा गाउँपालिकाको जनकनगरस्थित सामुदायिक वनबाट मंगलबार राति समस्याग्रस्त बाघलाई नियन्त्रणमा लिएको थियो ।
दुई सातायता गाउँबस्तीमा पसेर गोठैबाट गाई, गोरु, बाख्रा खाने गरेपछि निकुञ्ज प्रशासनले नियन्त्रणमा लिइएको थियो । राष्ट्रिय प्रकृति संरक्षण कोषका प्रमुख अजित तुम्बाहाम्फेले खुल्ला ठाउँ र आहारा प्रशस्त हुने भएकोले समस्याग्रस्त बाघलाई बबई उपत्यकामा छाडिएको बताए । राष्ट्रिय प्रकृति संरक्षण कोषको प्राविधिक टोली, नेपाली सेना र बर्दिया निकुञ्जका कर्मचारीको सहयोगमा नियन्त्रणमा लिएको बाघलाई लामिदारा क्षेत्रमा छाडिएको हो । राष्ट्रिय प्रकृति संरक्षण कोष, बर्दियाका प्रमुख तुम्बाहाम्फेले नियन्त्रणमा लिएको बाघ भाले भएको बताए ।
आहाराको अभावमा बाघ बाहिर निस्केर वस्तु भाव खाने र मानिस माथि आक्रमण गर्ने गरेकोले समस्याग्रस्त भनिने गरेको छ । निकुञ्जको ठाकुरद्वारा र रम्मापुरमा चार वटा समस्याग्रस्त बाघ खोरमा राखिएको छ । खोरको अभावमा समातिएका बाघ पुनः निकुञ्जको खोरमा छाडिने गरेको छ । पछिल्लो गणना अनुसार बर्दिया निकुञ्जमा १ सय २५ वटा बाघ रहेका छन् ।
उक्त बाघ क्यामेरा ट्रापिङमा पटक पटक कैद भएपछि प्राविधिक टोलीले नियन्त्रणमा लिएको हो । नियन्त्रणमा लिएको बाघ समस्याग्रस्त भएको डाक्टर सुवेदीले बताए । फागुन १७ गते बर्दिया राष्ट्रिय निकुञ्जसँग जोडिएको नवरंगा बाँझपुर सामुदायिक वनमा गाई, भैंसी चराउन गएका राजापुर नगरपालिका—१० कालाबन्जरका करिब ६२ वर्षीय लालबहादुर चौधरीलाई मारेको थियो ।
गत कात्तिक १५ गते बर्दिया राष्ट्रिय निकुञ्जको मध्यवर्ती क्षेत्रमा बाघलाई डार्ट गरी नियन्त्रणमा लिइएको थियो । उक्त बाघ निकुञ्जको मुख्यालयको खोरमा छ । गाई, गोरु चराउन मध्यवर्ती क्षेत्रको झारीमा पुगेका गेरुवा गाउँपालिका–४ राजीपुरका किसानलाई बाघले आक्रमणमा गर्दा ६८ वर्षीय लहानु थारुको मृत्यु भएको थियो । नियन्त्रणमा लिएको बाघलाई पशु एम्बुलेन्समा ल्याइने भएको छ । निकुञ्जको मुख्यालय ठाकुरद्वारामा बाघ राख्ने दुई वटा खोर नभएकोले रम्मापुरमा उद्धार केन्द्रमा पठाइने प्रमुख संरक्षण अधिकृत श्रेष्ठले जनाए ।
साभार : Kantipur
समाचार 
